Engelska nationen i Paris stramar upp reglerna för svenska studenthus

Vid en sammankomst hos Saint-Mathurin den 4 oktober 1405 godkände nationen sina ombuds förslag rörande husen "Vid hjorthornet" (Ad cornu cervi) och "Vid Vår Frus bild" (Ad imaginem nostre Domine). För det förstnämnda huset beslutades att inga reparationer, stora eller små, hädanefter får utföras av den boende utan nationens vetskap och samtycke, och att nationens räntmästare ska bokföra alla reparationer, så att den boende vid avflyttning kan avlägga räkenskap och återlämna nycklar och lås eller ersätta förlorade. En mur som magister Vilhelm Blok låtit uppföra utan nationens vetskap ansågs felaktigt byggd, utan tillräckligt stöd undertill, och han uppmanas åtgärda detta – annars kommer nationen att kräva ersättning av honom. Blok får bo kvar i huset till nästa midsommar för samma hyra som hittills, 20 skutor; vill han bo kvar längre blir hyran 24 skutor om året, varav 16 går till nationen och 8 avsätts för eventuella reparationer. Han ska före påsk eller senast två veckor därefter meddela om han vill behålla huset, annars hyrs det ut till någon annan.

Facta congregacione apud Sanctum Maturinum anno quo supra [C: 1405] die quarta mensis Octobris hora octava super tribus articulis. Primus erat ad audiendum apunctuamenta et avisamenta super domibus Ad cornu cervi et Ad ymaginem nostre domine per deputatos secundum modum prius conclusum. - - - -Quantum ad primum articulum placuerunt nacioni avisata per deputatos in hunc modum. Primo quod ad habitudinem domus Ad cornu cervi et quoad reparaciones placuit, quod nulle reparaciones fierent de cetero nec magne nec parve per inhabitatorem sine consensu et scitu nacionis, et quod reparaciones scribantur de cetero per receptorem in hunc finem, ut, quando inhabitator domus recedat, reddet compotum de reparacionibus, et precipue restituat nacioni numerum clavium et serarum et hujusmodi, vel si perdiderit, refundat nacioni. Sed de preteritis reparacionibus videbatur nacioni, quod murus quidam positus super pavimentum, credo coquine, superius fuit culpabiliter positus, quia non habuit inferius sufficiens appodiamentum et sustentamentum; et idcirco voluit, quod supplicaretur sibi, ut apponeret remedium, ut nacio per hujusmodi structuram non dampnificaretur, alias nacio haberet recursum ad eum, scilicet magistrum Gilhelmum Blok, petendo refusionem et restitucionem de dampno, attento quod hujusmodi murum sicut et alias reparaciones fecit sine scitu nacionis. Item placuit, quod alius magister accederet illos, qui habent visitare fundum communem vicinorum et reparaciones fiendas, qui scilicet Jurati sunt ad hoc, ut visitarent, incuria magistri Thome Fabri, quendam lapidem positum supra unam foveam, que recipit aquam, que aqua intrat consequenter caueam domus Ad cornu cervi. Quoad domum in se placuit nacioni, quod magister Gilhelmus Blok usque ad festum Sancti Johannis proximum futurum remaneret in domo pro eodem pretio, quo hucusque mansit, scilicet xx scutis. Sed per amplius, si inhabitare vellet, de locagio solveret XXIIII scuta, quorum singulis annis daret nacioni XVI, et de octo scutis restantibus fierent reparaciones in domo, et hoc si necessarium esset fieri aliquas, si vero non, nacio haberet totam summam. Verumptamen hujusmodi reparaciones semper fiant cum scitu et consensu nacionis. Item dictus magister Gilhelmus Blok ante festum Pasche vel in quindena immediate post notificet nacioni, utrum amplius velit tenere domum secundum formam prescriptam, quia, si non, nacio alteri locare debet. De domo Ad ymaginem nostre domine, considerata ruinositate ejusdem domus, placuit, quod Bumundus, magnus bedellus nacionis, haberet medietatem ejusdem domus, que pars est versus Sanctam Genowefam, cum medietate cavee et orto, qui est retro, eciam cum stabulo usque ad vitam suam sub hac forma, ut ponat quinquaginta francos vel amplius in reparacione ejusdem partis predicte domus ad honorem nacionis et utilitatem suam propriam; ita quod singulis annis in dicta summa apposita in reparacione domus defalcentur quatuor vel quinque franci pro locagio ejusdem domus. Et postquam tota summa, quam in reparacione domus posuit, erit defalcata, adhuc per amplius usque ad finem vite sue potest inhabitare eamdem domum, non plus dando pro locagio quam quatuor vel quinque francos. Verumptamen hoc adjecto, quod nulle allienationes fiant per eum et quod met inhabitet, vel si aliter fieret, hoc tamen fiat cum consensu nacionis. In casu vero, in quo scolares provincie Swecie superveniant, qui habeant interesse domus, inhabitent aliam partem dicte domus, non expellendo Bumundum de parte sua. Si vero quovis modo attemptaverint expellere Bumundum de parte domus, quam inhabitat et reparavit, nacio omni studio et fidelitate debet assistere Bumendo, deffendendo, si possit, et juvando, quod non expellatur a dicta parte domus. Et si nacio Bumundum deffendere non posset et Bumundum domum exire oporteat, expediatur Bumundus complete in summa in reparacionibus ejusdem partis domus posita, si adhuc aliquantum ejusdem summe restabat solvendum, antequam Bumundus domum cedat vel a domo recedat; ita quod Bumundus, antequam cedat domo, reddatur indempnis. Item aliam partem domus, que respicit collegium Belvacense, nacio dedit disposicioni et gubernacioni ipsius Bumundi, videlicet ut ipsam locaret cuicumque pro utilitate nacionis, et cum locagio ejusdem partis fierent reparaciones in eadem parte domus. Et singulis annis Bumundus redderet compotum nacioni de locagio predicte partis. Et pro labore, quem habebit, ipse remittet se ad nacionem, que satisfaciet sibi quantificando laborem et diligentiam, quam habebit circa eamdem partem domus. Item supplicuit quidam, ut loceretur [C: loca-] sibi dicta pars domus usque ad festum Sancti Johannis proxime futurum, et placuit nacioni, ut haberet pro octo francis et cum eisdem fieret reparacio dicte partis etc. Item placuit nacioni, quod magister Jacobus Harlem daret pignora in proporcione sesquialtera pro debitis, quorum debitorum termini expectatorii protunc fuerunt transacti.